Það er æðisleg veðurspá fyrir helgina og eflaust margir sem ætla nýta veðurblíðuna til að grillla. Ég dró strákana með mér í hot yoga tíma áðan og þegar við komum heim var Hannes búinn að grilla steikur fyrir okkur. Lúxus! Það leynast margar góðar grilluppskriftir hér á síðunni og ef einhverjum vantar hugmyndir fyrir helgina þá langar mig að með að mæla með þremur uppskriftum sem eru í sérlegu uppáhaldi hjá mér:

Dásamlegur bbq-kjúklingur þar sem öllu er skellt saman í álpappír og grillað. Það gerist ekki einfaldara!

Humarpizza sem er svo góð að það nær engri átt.

Grilluð tandoori lambalund með salati, nanbrauði og raita. Slær alltaf í gegn!

Og fyrir þá sem ætla sér ekki að grilla kemur hér súpergóð hugmynd að kvöldverði, quesadillas með nautahakksfyllingu. Svo brjálæðislega gott!! Hér var barist um sneiðarnar og ég mun klárlega gera tvöfalda uppskrift næst. Ég veit að uppskriftin virðist löng og með mörgum hráefnum en flest hráefnanna leynast örugglega í eldhússkápnum. Síðan er líka lítið mál að breyta uppskriftinni eftir því sem til er í skápunum.

Quesadillas með nautahakksfyllingu

Nautahakksfyllingin:

• 1 bakki nautahakk
• svartur pipar
• paprikukrydd
• oregano
• cumin
• 1/2 dl vatn
• 1 msk soja sósa
• 1 msk sweet chili
• 1 hvítlauksrif
• 1 msk tómatpuré

Steikið nautahakkið og kryddið eftir smekk (smakkið til!). Bætið vatni saman við og látið sjóða saman við vægan hita í 5 mínútur. Bætið þá sojasósu, sweet chili, hvítlauksrifi og tómatpuré saman við, blandið vel og látið allt sjóða saman í 2-3 mínútur.

Sósan:

• 1 dós hakkaðir tómatar
• 1 tsk oregano
• svartur pipar
• cayenne pipar
• salt

Blandið öllu í pott og látið sjóða saman.

Guacamole

• 1 avokadó
• 1 dl sýrður rjómi
• 1 hvítlauksrif, pressað
• fínrifið hýði af 1 sítrónu
• cayenne pipar
• salt

Stappið avókadóið og hrærið saman við hin hráefnin.

Til að setja saman:

• tortillur
• jalapeno
• maísbaunir
• rifinn ostur

Setjið nautahakk, maísbaunir, sósu, rifinn ost og jalapeno á hverja tortillu. Brjótið tortilluna saman í hálfmána ost steikið á pönnu í nokkrar mínútur á hvorri hlið. Skerið í sneiðar og berið strax fram með salati og guacamole.

Allt hráefni í þessa uppskrift fæst í

Sumarið virðist ekki að dekra við okkur með veðurblíðu í ár og ég verð að viðurkenna að mér þykir ágætt að vera ekki komin í sumarfrí. Þessa dagana snýst lífið aðallega um að vinna, skulta og sækja á æfingar og horfa á The Good Wife á Netflix á kvöldin (ef einhver hefur ekki séð þættina þá mæli ég hiklaust með þeim – svo góðir!). Síðan borðum við gott á hverju kvöldi, eins og þessa tortilluköku sem var stórkostlega góð. Ég bar hana fram með guacamole, sýrðum rjóma, ostasósu, salsa, nachos og salati. Þvílík veisla!

Tortillakaka (uppskrift fyrir 4-6)

• 1 pakkning með 8 tortillum (medium stærð)
• 500 g nautahakk
• 1 poki tacokrydd
• 100 g rjómaostur (mér finnst gott að nota philadelphia rjómaostinn)
• 1 dl rjómi
• 150 g maísbaunir
• 1/2 krukka chunky salsa
• salt og pipar
• um 300 g rifinn ostur

Steikið nautahakkið og kryddið með tacokryddinu. Hrærið rjómaosti, rjóma, salsa og maísbaunum saman við og smakkið til með salti og pipar.

Smyrjið smelluform (hægt að sleppa því og raða tortillakökunum beint á ofnplötu) og setjið tvær tortillakökur í botninn á forminu. Setjið 1/3 af fyllingunni yfir og smá rifinn ost. Setjið tvær tortillur yfir og endurtakið (þannig að það verði 3 lög af fyllingu). Endið með tortillaköku efst og stráið restinni af ostinum yfir. Setjið í 200° heitann ofn í 20-25 mínútur.

Allt hráefni í þessa uppskrift fæst í

SaveSave

SaveSave

SaveSave

SaveSave

SaveSave

SaveSave

SaveSave

Í dag var fyrsti vinnudagurinn minn eftir sumarfrí og lífið því dottið aftur í sína eðlilegu rútínu. Eins og mér þykir æðislegt að vera í fríi þá finnst mér alltaf jafn gaman þegar allt hefst að nýju eftir sumarið. Hversdagsrútínan er notaleg!

Mér þykir svona heimilismatur alveg hreint dásamlega góður og sérstaklega núna þegar það eru nýjar kartöflur í búðunum. Við létum okkur nægja að bera hann bara fram með nýjum kartöflum og sultu en bæði hrásalat og ferskt salat fer auðvitað stórvel með.

Hakkabuff með karamelluseruðum lauki og rjómasósu (uppskrift fyrir 4)

• 600 g nautahakk
• 1/2 dl brauðrasp
• 1/2 dl rjómi
• 1 dl mjólk
• 1 egg
• 1 laukur
• 2 tsk salt
• svartur pipar
• 1 tsk sykur

Blandið rjóma, mjólk og brauðraspi saman í skál og látið standa í 5 mínútur. Setjið hakkaðan lauk, egg, salt, sykur og pipar saman við og notið töfrastaf til að blanda öllu saman. Setjið að lokum nautahakkið saman við og blandið öllu vel saman. Mótið buff og steikið upp úr vel af smjöri.

Karamelluseraður laukur

• 3 gulir laukar
• salt
• sykur
• pipar
• smjör

Skerið laukinn þunnt niður. Bræðið smjör á pönnu og setjið laukinn á. Steikið við miðlungshita (passið að hafa hitann ekki of háann), laukurinn á að mýkjast og fá smá lit. Hrærið annað slagið í lauknum. Setjið salt, sykur og pipar eftir smek undir lokin og látið laukinn karamelluserast.

Rjómasósa

• steikingakraftur frá hakkabuffinu
• 2 dl rjómi
• 2 dl sýrður rjómi
• 1-2 grænmetisteningar
• salt og pipar
• sojasósa
• maizena til að þykkja.

Blandið öllu saman í pott og látið sjóða saman. Smakkið til! Endið á að þykkja með maizena eftir smekk.

Allt hráefni í þessa uppskrift fæst í

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

Það er alltaf gaman að bæta smá hversdagslúxus í tilveruna og sérstaklega þegar flensan hefur legið á heimilisfólki lengur en við kærum okkur um. Þá er nánast lífsnauðsynlegt að gera vel við sig með góðum mat og huggulegheitum. Það gerðum við einmitt í gærkvöldi.

Ég eldaði kjötbollur sem urðu svo góðar að það var ekki svo mikið sem skítugur diskur eftir. Og til að toppa allt þá ákvað Hannes að rjúka í vínbúðina rétt fyrir lokun og kaupa rauðvín með matnum. Á meðan lagði ég á borð og síðan sátum við lengi yfir matnum og dásömuðum hann í bak og fyrir.

Þessar kjötbollur eru æðislegar og henta bæði með pasta og parmesan, eins og við gerðum, eða sem pinnamatur á veisluborðið. Ég hefði þó mátt taka þær aðeins fyrr úr ofninum til að fá meiri sósu. Hún þykknar nefnilega eftir því sem bollurnar eru lengur í ofninum. Ef þið ætlið að nota þær sem pinnamat mæli ég með að gera bollurnar minni og hafa þær í ofninum örlítið lengur því þá þykkist sósan og hjúpar bollurnar betur. Sósan er bragðmikil og ólýsanlega góð.

Ofnbakaðar kjötbollur í dásamlegri kóksósu – uppskrift fyrir 5 (sem kvöldverður)

• 500 g nautahakk
• 1 dl brauðraspur
• 1 egg
•  1 msk vatn
• 1 laukur, fínhakaður og skipt í tvennt (helmingur í bollurnar og helmingur í sósuna)
• 1/2 tsk ítölsk hvítlauksblanda (ég var með frá Pottagöldrum)
• 1 lítil græn paprika, fínhökkuð og skipt í tvennt (helmingur í bollurnar og helmingur í sósuna)
• salt
• pipar
• 2 hvítlauksrif, pressuð
• 2,5 dl tómatsósa (ég var með stevíu tómatsósuna frá Felix)
• 2,5 dl kók
• 2 tsk worcestershire sósa

Hitið ofn í 180° og spreyið 20×30 cm eldfast mót með olíu.

Blandið vel saman nautahakki, brauðraspi, eggi, vatni, hálfum fínhökkuðum lauki, hálfri fínhakkaðri papriku, hvítlaukskryddi, salti og pipar. Rúllið blöndunni í bollur og raðið í eldfasta mótið.

Setjið hálfan fínhakkaðan lauk, hálfa fínhakkaða papriku, pressuð hvítlauksrif, tómatsósu, kók, worcestershire sósu, salt og pipar í skál og hrærið saman. Hellið yfir kjötbollurnar og setjið í ofninn í 50-60 mínútur. Snúið bollunum í sósunni tvisvar á meðan þær eru í ofninum.  Athugið að ef það á að nota kjötbollurnar sem pinnamat er gott að hafa bollurnar aðeins lengur í ofninum (60 mínútur) til að þykkja sósuna. Ef það á að borða þær með pasta er betra að hafa þær í styttri tíma, til að fá meiri sósu.

Allt hráefni í þessa uppskrift fæst í

SaveSave

SaveSave

SaveSaveSaveSave

SaveSave

SaveSave

SaveSave

SaveSave

SaveSave

Í síðustu viku eldaði ég pastagratín í kvöldmat. Uppskriftin reyndist svo stór að hún dugði okkur í kvöldverð tvö kvöld í röð og í nesti fyrir tvo!  Í hversdagsamstrinu, og sérstaklega þegar skutl á æfingar lendir á matartíma, þykir mér algjör lúxus að þurfa ekki að hafa meira fyrir kvöldmatnum en að hita upp frá deginum áður. Bragðið verður bara meira og betra þegar rétturinn hefur fengið að standa og það má alltaf hafa annað meðlæti fyrir þá sem vilja tilbreytingu.

Við borðuðum gratínið í nokkrum ólíkum útfærslum. Sumir fengu sér hvítlauksbrauð og tómatsósu með því á meðan ég hrúgaði parmesan yfir réttinn og fékk mér spínatsalat með fetaosti og balsamikgljá  með. Súpergott!

Pastagratín – uppskrift fyrir 6-8 (eða jafnvel 10-12!)

• 400 g spaghetti
• 2 kúlur af mozzarella

Kjötsósan

• 400 g nautahakk
• 400 g hakkaðir tómatar í dós
• 400 g tómatmauk í dós
• 1 laukur
• 4 hvítlauksrif
• 2 tsk þurrkað oregano
• 2 tsk þurrkuð basilika
• 2 tsk paprikukrydd
• 1-2 tsk dijonsinnep (má sleppa)
• 1 msk sojasósa
• 1 msk balsamikedik eða sykur
• 1 grænmetisteningur
• smá chili explotion krydd eða sambal oelek
• salt og pipar

Sósa

• 5 dl sýrður rjómi
• 150 rifinn ostur
• 1 hvítlauksrif, pressað

Yfir réttinn

• 50 g rifinn ostur

Samsetning:

Setjið helminginn af sýrða rjóma sósunni í botninn á eldföstu móti (í ca stærðinni 25 x 30 cm). Setjið spaghettí yfir. Setjið hinn helminginn af sýrða rjóma sósunni yfir og leggið mozzarellasneiðar yfir. Setjið kjötsósuna yfir og leggið sneiðar af mozzarella yfir kjötsósuna. Endið á að setja rifinn ost yfir réttinn. Setjið í 200° heitan ofn í 20-30 mínútur.

Allt hráefni í þessa uppskrift fæst í

Í síðustu viku var ég með kjötbollur í kvöldmatinn en þær eru alltaf vinsælar hér heima. Ég reyni að eiga alltaf kjötbollur í frystinum til að grípa til þegar ég hef ekki tíma til að elda og það hefur oft komið sér mjög vel. Krakkarnir elska kjötbollur með makkarónum og tómatsósu, sem er einn fljótlegasti kvöldmatur sem hægt er að elda. Það slær þó fátt heimagerðum kjötbollum við, með rjómasósu, kartöflum og sultu. Þessar eru svo góðar að þegar tengdasonurinn átti í skólaverkefni að nefna þrjá góða hluti sem gerðust í vikunni fóru kjötbollurnar beinustu leið á listann. Það verða að teljast nokkuð góð meðmæli!

Kjötbollur með fetaosti í rjómasósu – uppskrift fyrir 4-5

• 500 g nautahakk
• 5 msk rifið brauð
• 1/2 dl mjólk
• 1 tsk season salt
• smá pipar
• 150-200 g fetaostur
• rjómi
• kálfakraftur
• sojasósa
• rifsberjahlaup

Blandið nautahakki, brauðraspi, mjólk, kryddi og fetaosti saman og rúllið í bollur. Steikið bollurnar í smjöri. Takið bollurnar af pönnunni og látið suðuna koma upp. Smakkið til með kálfakrafti (kalvfond), sojasósu og rifsberjahlaupi. Setjið bollurnar í sósuna og látið sjóða í nokkrar mínútur.

Berið fram með kartöflum og salati.

Allt hráefni í þessa uppskrift fæst í

Það er júrovisjónhelgi framundan og á slíkum kvöldum þykir mér maturinn yfir sjónvarpinu nánast mikilvægari en sjónvarpsefnið sjálft. Það er jú lítið varið i júróvisjónkvöld án veitinga! Ég vil hafa góðan en einfaldan mat, sem krefst ekki hnífapara og hægt er að borða auðveldlega yfir sjónvarpinu. Síðan vil ég hafa skálar stútfullar af snakki og nammi. Og nóg af gosi. Hér má hvergi spara!

Um síðustu helgi vorum við með notalegan mat á föstudagskvöldinu sem við borðuðum yfir sjónvarpinu. Ég gerði einfalt nachos í ofnskúffu sem tók enga stund að útbúa. Með nachosinu var ég með salsa, guacamole (ég gerði mér einfalt fyrir og keypti ferskt guacamole í Hagkaup), heita ostasósu og sósu sem ég gerði úr sýrðum rjóma (uppskriftin er hér fyrir neðan). Þetta var svo gott að það gat enginn hætt fyrr en fatið var tómt. Þetta þykir mér vera frábær júróvisjónmatur. Það er einfalt að gera tvöfalda uppskrift ef boðið er fjölmennt og ég held að flest öllum þyki þetta gott. Þetta getur varla klikkað!

Nachos í ofnskúffu (uppskrift fyrir ca 4-5)

• nachosflögur
• 500 g nautahakk
• 1 bréf tacokrydd
• 1 krukka tacosósa (230 g)
• jalapenos
• 1 poki rifinn ostur (ca 250 g)

Setjið nachosflögurnar í ofnskúffu með bökunarpappír. Steikið nautahakkið og kryddið með tacokryddinu. Hellið tacosósunni yfir og blandið vel saman. Setjið nautahakkið og jalapenos yfir nachosið og stráið rifnum osti yfir. Setjið í 200° heitann ofn í 5-10 mínútur, eða þar til osturinn hefur bráðnað.

Köld sósa:

• 2 dl sýrður rjómi
• 1 tsk paprikukrydd
• 1/2 tsk chilikrydd
• salt og pipar
• ítalskt salatkrydd

Hrærið sýrðum rjóma, paprikukryddi og chilikryddi saman og smakkið til með salti, pipar og ítölsku salatkryddi. Látið standa í ísskáp í smá stund.

Allt hráefni í þessa uppskrift fæst í

Moussaka hefur aldrei heillað mig sérstaklega þar sem ég er ekki nógu hrifin af eggaldin, sem er eitt af grunnhráefnunum í hefðbundnu moussaka. Mér þykir það vera svo óspennandi grænmeti að ég kaupi það aldrei. Eflaust bara eitthvað rugl í mér. Hakkréttir eru þó vinsælir á þessu heimili og þegar ég rakst á þessa moussakauppskrift hjá Matplatsen sem er án eggaldins varð ég því spennt að prófa hana.

Rétturinn sló í gegn hér heima og ég var fegin að hafa gert hvítlauksbrauð með því það var borðað svo vel. Ég hafði hugsað mér að bera réttinn fram með salati en gleymdi að kaupa kál. Hvítlauksbrauðið fékk því að duga sem meðlæti og ég held að engin hafi saknað salatsins nema ég.

Fölsk moussaka (uppskrift fyrir ca 5)

Kjötsósa:

• 500 g nautahakk
• 400 g hakkaðir tómatar í dós
• 2 dl vatn
• 2 nautakraftsteningar
• 1 msk sojasósa
• 1 tsk oregano
• 1/2 msk sykur
• salt og pipar

Bechamel:

• 25 g smjör
• 3/4 dl hveiti
• 4 dl rjómi
• 1 dl mjólk
• 2 dl fínrifinn parmesan
• salt og pipar

Á milli:

• 8 kartöflur

Steikið nautahakkið og bætið tómötum, krafti, sojasósu og kryddum saman við. Látið sjóða við vægan hita eins lengi og tími gefst (gjarnan 1-2 klst.).

Bræðið smjörið í bechamelsósuna og hrærið hveiti saman við. Hrærið rjóma og mjólk smátt og smátt saman við smjörbolluna og hrærið allan tímann í þannig að blandan verði mjúk og kekkjalaus. Látið sjóða í 2-3 mínútur og takið svo af hitanum. Hrærið rifnum parmesan út í og látið bráðna. Smakkið til með salti og vel af svörtum pipar.

Afhýðið kartöflurnar og skerið í þunnar sneiðar.

Byrjið á að setja smá bechamel í botninn á eldföstu móti og setjið kjötsósu yfir. Leggið eitt lag af kartöflum yfir og haldið svo áfram að setja til skiptis bechamel, kjötsósu og kartöflur í formið. Endið með bechamelsósu efst. Bakið við 175° í um 1 klst. Ef rétturinn er farinn að dekkjast mikið er ágætt að setja álpappír yfir formið. Látið standa í smá stund (til að láta mesta hitann rjúka úr) áður en rétturinn er borinn fram.

Allt hráefni í þessa uppskrift fæst í

Ég á fullan frysti af nautahakki og er að reyna að elda úr því. Það er síður en svo flókið verk, enda til heill hafsjór af góðum uppskriftum með nautahakki í. Ég fékk þó í vikunni alveg svakalega löngun í rétt sem mamma eldaði oft í gamla daga handa okkur og mér þykir alltaf jafn góður. Ég ætlaði að vera með hann á laugardagskvöldinu en plönin breyttust og úr varð að ég bauð mömmu í mat og Allir geta dansað áhorf á sunnudagskvöldinu og bauð þá upp á þennan gamla góða rétt.

Þetta er svo súpereinfalt og ég get varla ímyndað mér annað en að öll börn séu hrifin af þessu. Það er auðvitað hægt að setja salat og grænmeti með hakkinu í pulsubrauðið en við erum ekki svo heilsusamleg þegar við erum á annað borð í þessum gír heldur bætum hrásalati og kokteilsósu í brauðið. Síðan höfum við franskar með. Maður verður stundum að leyfa sér!

Hakk í pulsubrauði

• 500 g nautahakk
• 1 laukur, smátt saxaður
• 1/2 bolli chilisósa
• 1/2 bolli sweet relish
• 5 pulsubrauð

Nautahakkið og laukurinn er steikt saman og kryddað með pipar og salti. Chilisósu og sweet relish bætt út í og látið blandast saman við hakkið.

Smyrjið pulsubrauðin með smjöri að innan og hitið þau við 200° í ofni þar til heit og stökk að utan. Setjið kjötfyllinguna inn í og berið fram með þeim sósum sem lokka.

Allt hráefni í þessa uppskrift fæst í

Ég fór í smá göngu með vinkonum mínum í veðurblíðunni í gærkvöldi. Ég setti inn myndir á Instagram stories og fékk í kjölfarið þónokkrar fyrirspurnir um hvar við vorum. Fyrir áhugasama þá gengum við frá Vífilsstaðavatni upp að Gunnhildi og yfir í Heiðmörk. Mjög falleg og skemmtileg leið sem óhætt er að mæla með. Við byrjuðum þó ferðina á að leggja bíl með veitingum í Heiðmörk og keyrðum síðan yfir að Vífilsstaðarvatni með hina bílana. Þegar við komum í Heiðmörk beið okkar því æðislegt pastasalat með dressingu og litlar prinsessutertur úr Ikea, sem Sigrún vinkona mín var búin að græja. Við fengum meira að segja kvöldsól yfir matnum! Frábært kvöld í alla staði.

Áður en ég lagði af stað eldaði ég súpu handa krökkunum en um daginn gerði ég hins vegar kartöflugratín með nautahakki sem okkur þótti mjög gott. Uppskriftina fann ég á Hemmets Journal og þurfti að hafa heilmikið fyrir að finna hana aftur.  Frábær hversdagsmatur en mig grunar að falli í kramið hjá öllum aldurshópum.

Kartöflugratín með nautahakki

• 500 g nautahakk
• 1 msk smjör
• 1 laukur
• 1 hvítlauksrif
• 1 msk tómatpuré
• 1 dós hakkaðir tómatar (400 g)
• 1 msk kálfakraftur
• salt og pipar
• oregano, þurrkað
• 10 kartöflur
• 2 dl rjómi
• 2 dl rifinn ostur

Allt hráefni í þessa uppskrift fæst í

Í næstu viku hefst haustrútínan hér á heimilinu en þá byrja skólarnir og sumarfríi strákanna tekur enda. Ég hef alltaf elskað haustin og finnst svo mikil stemning fylgja því þegar allt hefst á nýjan leik eftir sumarið. Ég finn að okkur er farið að langa í haustlegri mat og nú hef ég gert þessar góðu kjötbollur tvisvar á mjög stuttum tíma.

Það eiga eflaust margir uppskriftina af þessum bollum enda uppskrift sem gekk manna á milli fyrir mörgum árum. Bollurnar voru oft gerðar litlar og hafðar sem pinnamatur en mér þykir gott að gera þær aðeins stærri og bera fram með kartöflumús, sósu og sultu. Ég hrúga bara öllum hráefnunum í hrærivélina og vinn þau snögglega saman. Síðan tek ég ískúluskeið (heitir það ekki annars það?) og þá fæ ég allar kjötbollurnar jafn stórar á stuttum tíma. Í gærkvöldi átti ég bara einn bakka af nautahakki og hálfan pakka af kexinu en setti samt allt bréfið af púrrulaukssúpunni og tvö egg og kjötbollurnar urðu mjög góðar. Þetta virðist bara aldrei klikka!

Kjötbollur með púrrlaukssúpu og rizkexi

• 1 kg nautahakk (eða 500 g nautahakk og 500 g svínahakk)
• 2 egg
• 1 bréf púrrulaukssúpa
• 1 pakki rizkex (fínmulið)

Hrærið allt saman og mótið kjötbollur. Bakið við 180° í 15 mínútur.

Allt hráefni í þessa uppskrift fæst í

Nú er rétt rúm vika til jóla og það væri synd að segja að það sé jólalegt að horfa út. Verðið er dásamlega fallegt þessa stundina en hvar er snjórinn?!? Ég myndi alveg þiggja birtuna og jólastemninguna sem fylgir honum.

Það bíður okkar hver veislan á fætur annarri næstu vikurnar. Malín verður stúdent 20. desember, ég á afmæli 22. desember og strákarnir 27. desember. Síðan eru auðvitað jólin og áramótin og allt sem því fylgir. Það er því nóg að undirbúa og skemmtilegir tímar í vændum.

Ég eldaði um daginn svo æðislega góðar quesadillas sem krakkarnir hreinlega mokuðu í sig. Það er svo fljótlegt að gera quesadillas og hægt að fylla þær með hverju sem er. Þessi fylling kom svo vel út að ég má til með að birta hana hér. Ég gerði síðar stóran skammt til að eiga í ísskápnum sem krakkarnir hituðu upp með því að stinga þeim í brauðristina. Brjálæðislega einfalt og gott!

Quesadillas með nautahakksfyllingu í sweet chili rjómaosti

• 500 g nautahakk
• 1 laukur
• 1 rauð paprika
• 200 g Sweet Chili Philadelphia (1 askja)
• chili explotion krydd
• salt og pipar
• salsa
• nachos
• rifinn ostur
• 6 stórar tortillur

Steikið nautahakkið og kryddið með salti, pipar og chili explotion. Skerið lauk og papriku í þunnar sneiðar og steikið með nautahakkinu í nokkrar mínútur. Bætið Philadelphia Sweet Chili á pönnuna og látið bráðna saman.

Leggið tortillakökurnar á borð og dreifið fyllingunni yfir helminginn á hverri köku. Setjið salsa, mulið nachos og rifinn ost yfir. Brjótið tortillukökuna saman í hálfmána og steikið í olíu á hvorri hlið þar til kakan er stökk og osturinn bráðnaður. Skerið í sneiðar og berið fram.

*Færslan er unnin í samstarfi við Innnes

Ég hef sett nokkrar kjötbolluuppskriftir hingað inn í gegnum árin en við munum eflaust seint þreytast á heimagerðum kjötbollum með kartöflumús og góðri sósu (svo fæ ég mér líka alltaf rifsberjahlaup eða hindberjasultu með). Um helgina prófaði ég að setja smá bbq-sósu, karamelluseraðan lauk og nýja kryddostinn frá Örnu saman við hakkið og útkoman var æðisleg.

Það tekur styttri tíma að gera kjötbollur frá grunni en margir halda. Ég set öll hráefnin saman í hrærivélina og læt hana hræra þeim saman með K-inu. Síðan nota ég ísskeið til að móta bollurnar. Að lokum fara þær í ofninn á meðan kartöflumúsin er útbúin (eða kartöflur soðnar). Þegar ég geri kartöflumús sker ég kartöflurnar niður áður en ég sýð þær, til að stytta suðutímann. Þá tekur þetta enga stund.

Ég notaði hálfa öskju af piparkryddostinum í kjötbollurnar og hinn helmingurinn af ostinum fór í sósuna, ásamt sveppum, grænmetiskrafti og rjóma. Þetta kom æðislega vel út og ég ætlaði ekki að geta hætt að dýfa kartöflumús ofan í sósuskálina, eftir að við vorum búin að borða. Æðisleg máltíð sem vakti lukku hjá öllum.

Ofnbakaðar kjötbollur með bbq- og piparostafyllingu og piparostasósa með sveppum (uppskrift fyrir 5-6 manns)

• 850 g blanda af nauta- og svínahakki (líka hægt að nota bara nautahakk)
• 1 lítill laukur, hakkaður
• smjör
• 1 msk sykur
• 1/2 dl bbq-sósa
• 1 egg
• 75 g (hálf askja) laktósafrír kryddostur með pipar frá Örnu, skorinn í teninga

Hakkið laukinn og steikið upp úr smjöri þar til mjúkur. Stráið sykri yfir og steikið áfram í um 1 mínútu. Setjið laukinn í skál ásamt hakki, bbq-sósu, eggi og kryddosti. Blandið öllu vel saman (ég læt hrærivélina taka nokkra snúninga með K-inu). Mótið kjötbollur  (ég gerði 16 stórar bollur) og raðið á bökunarpappirsklædda ofnplötu. Bakið við 180° í um 20 mínútur.

Piparostasósa með sveppum

• um 5 sveppir, sneiddir
• smjör
• pipar
• 75 g (hálf askja) laktósafrír kryddostur með pipar frá Örnu
• 2,5 dl rjómi frá Örnu
• 1 grænmetisteningur

Bræðið smjör í potti við meðalháan hita og steikið sveppina í nokkrar mínútur. Kryddið með pipar og hellið rjóma yfir. Bætið grænmetisteningi og kryddosti í pottinn og látið bráðna í rjómanum.

Mér þykir mexíkóskur matur vera svo góður helgarmatur, sérstaklega á föstudagskvöldum þegar enginn nennir að standa lengi í eldhúsinu eftir vinnuvikuna og sjónvarpssófinn lokkar sem aldrei fyrr. Við fáum heldur ekki leið á mexíkóskum mat og ef það er afgangur læt ég hann oft standa á borðinu því það er haldið áfram að narta í hann fram eftir kvöldi.

Ég keypti mér nýja matreiðslubók þegar ég var í Boston um daginn og var búin að ákveða að elda tacoböku úr henni í gærkvöldi. Þegar ég hins vegar ætlaði að byrja að elda komst ég að því að ég átti ekki hráefnin í hana. Ég nennti alls ekki út í búð (nennir því einhver eftir að vera komin heim á föstudegi?) og ákvað því að nota það sem til var í skápunum og útbúa svipaðan rétt. Útkoman varð æðislega góð og sló í gegn hjá krökkunum.

Það tók enga stund að koma matnum á borðið og það væri hægt að flýta enn meira fyrir (og stytta kryddlistann) með því að nota tacokryddið í bréfunum. Ég átti það bara ekki til. Eins er hægt að skipta baununum út fyrir þær baunir sem eru í uppáhaldi, eða bara sleppa þeim. Mér þykja pintobaunir þó passa mjög vel í mexíkóskum mat. Það er eflaust gott að bera réttinn fram með grænmeti og salsa- og/eða ostasósu í tortillum. Ég bar hann bara fram með nachos, salsasósu, heitri ostasósu og sýrðum rjóma, svolítið eins og supernachos. Svo brjálæðislega gott!

Tacobaka á pönnu 

• 1 laukur, hakkaður
• 1 rautt chillí, fræhreinsað og hakkað
• 550 g nautahakk
• 1 tsk chillí krydd
• 1 tsk salt
• 1/2 tsk laukrydd
• 1/2 tsk oregano
• 1/2 tsk kúmín
• 1/2 tsk rauðar piparflögur (red pepper flakes)
• 1/2 tsk paprikukrydd
• 1/4 tsk cayenne
• 1 dós hakkaðir tómatar
• 1 dós pintobaunir
• 2 dl maísbaunir
• handfylli af rifnum osti
• avokadó
• ferskt kóriander

Hitið olíu á pönnu við miðlungsháann hita og mýkjið lauk og chillí. Hækkið hitann og bætið nautahakkinu á pönnuna. Steikið hakkið þar til fulleldað og kryddið með kryddunum. Bætið hökkuðum tómötum, baunum og maísbaunum á pönnuna og látið sjóða saman við vægan hita í um 10 mínútur. Stráið rifnum osti yfir og látið bráðna undir loki. Berið fram beint af pönnunni.

Allt hráefni í þessa uppskrift fæst í